Кучли ёғингарчилик сабаб айрим ҳудудларни сув тошқини кузатилиши мумкин

 

«Ўзгидромет» агентлиги директори Шерзод Ҳабибуллаевнинг маълум қилишича, жорий йилнинг 23–27 июнь кунлари республиканинг қатор тоғолди ва тоғли ҳудудларида кутилаётган ёғингарчиликлар сабаб сел-сув тошқинлари юзага келиши мумкин.

 

Хусусан, Қашқадарё вилоятининг Яккабоғ, Деҳқонобод, Чироқчи, Китоб, Шаҳрисабз, Қамаши ва Ғузор туманлари, Сурхондарё вилоятининг Сариосиё, Узун, Олтинсой, Денов, Бойсун, Шеробод, Шўрчи, Қумқўрғон ва Музробот туманлари хавфли ҳудудлар қаторига киритилган.

 

Шунингдек, Самарқанд вилоятининг Ургут, Самарқанд, Булунғур, Нуробод, Қўшработ, Каттақўрғон, Паяриқ, Жомбой ва Иштихон туманлари, Навоий вилоятининг Хатирчи, Навбаҳор, Нурота, Конимех ва Кармана туманларида ҳам сел-сув тошқинлари юзага келиши мумкин.

 

Жиззах вилоятининг Зомин, Бахмал, Ғаллаорол, Шароф Рашидов, Фориш ва Янгиобод туманлари, Тошкент вилоятининг Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманлари ҳамда Ангрен ва Олмалиқ шаҳарларида ҳам хавф юқори эканлиги таъкидланган.

 

Бундан ташқари, Наманган вилоятининг Поп, Косонсой, Чортоқ, Чуст, Наманган ва Янгиқўрғон туманлари, Фарғона вилоятининг Сўх, Шоҳимардон, Фарғона ва Бешариқ туманлари, Андижон вилоятининг Андижон, Асака, Жалақудуқ, Қўрғонтепа, Пахтаобод, Избоскан, Хўжаобод ва Марҳамат туманлари ҳамда Хонобод шаҳрида ҳам сел ҳодисалари кузатилиши мумкин.

 

«Ўзгидромет» маълумотига кўра, кучли ёғингарчилик айрим ҳудудларда ёмғир сувларининг тўпланишига сабаб бўлиб, ҳудудларни сув босиши эҳтимоли ҳам мавжуд.

 

Шу муносабат билан тоғолди ва тоғли ҳудудларда яшовчи фуқаролар, дам олувчилар ҳамда ушбу ҳудудларда ҳаракатланаётган ҳайдовчиларга эҳтиёт чораларини кўриш, об-ҳаво маълумотларини кузатиб бориш ва хавфсизлик қоидаларига қатъий риоя этиш тавсия этилди.