Сурхондарёда сел Тожикистонга ўтиш кўпригини чўктирди
Сариосиёдаги халқаро аҳамиятга эга кўприкка сел жиддий зарар етказди, ҳаракат вақтинча тўхтатилди.
Сурхондарё вилоятининг Саросиё туманида кучли ёғингарчилик сабаб сел ҳодисаси юзага келди. Бу ҳақда ФВВ хабар берди.
Маълум қилинишича, 21 июнь куни сел тошқини сел йўлидан оқиб ўтиб, "Боғи Самарқанд" ва "Ширин" МФЙ ҳудудида жойлашган бир нечта аҳоли хонадонларига ва томорқаларига сув кириши кузатилган.
Шунингдек, юзага келган табиий офат Сароисиё туманидаги Ўзбекистон ва Тожикистонни боғловчи М41 автомобиль ёлидаги кўприкнинг чўкишига сабаб бўлди.
Бунга мутахассислар ёғингарчилик оқибатида дарёдаги сув сатҳи ҳамда оқим тезлиги ортиб, натижада автокўприк таянчларига юқори босим тушиб унинг чўкишига сабаб бўлганини билдирмоқда.
1977 йилда қурилган мазкур кўприкдан ҳозирда ҳаракатланиш чекланган . Машиналар ҳаракати эса Узун тумани ҳудудидаги айланма йўналиш бўйича ташкил этилган.
