ЖЧ-2026: томошабинлар сони бўйича янги рекорд ўрнатилди
36 ўйинда 2,3 миллиондан ортиқ мухлис стадионларга ташриф буюрди.
Sky News хабарига кўра, 2026 йилги FIFА Жаҳон чемпионати томошабинлар сони бўйича янги рекорд ўрнатди ва тарихдаги энг кўп ташриф буюрилган турнирга айланди.
Манбада қайд этилишича, 104 та ўйиндан 36 таси ўтказилгач, стадионларга ташриф буюрган умумий мухлислар сони 2 307 947 нафарга етган. Ҳар бир учрашувга ўртача 64 110 томошабин ташриф буюрмоқда, стадионларнинг бандлик даражаси эса 99,54 фоизни ташкил этмоқда.
Жаҳон чемпионати 11 июндан 19 июлгача АҚШ, Мексика ва Канада майдонларида ўтказилмоқда. Мусобақа 48 та терма жамоа иштирок этаётган илк турнир сифатида тарихга кирди.
Амалдаги жаҳон чемпиони Аргентина терма жамоаси ҳисобланади. У 2022 йилда Қатарда бўлиб ўтган финалда Францияни мағлуб этган эди.
Шунингдек, турнир давомида айрим сиёсий ва ташкилий масалалар юзасидан турли муҳокамалар ҳам бўлиб ўтган. Хусусан, Эрон терма жамоасининг ўйинларини АҚШдан Мексикага кўчириш бўйича FIFА билан музокаралар олиб борилгани, бироқ якуний келишувга эришилмагани маълум қилинади.
