Спорт

ЖЧ—2026: Миср Янги Зеландиядан устун келди, Кабо-Верде–Уругвай ва Эрон–Бельгия ўйинларида дуранг қайд этилди

G гуруҳида Миср 4 очко билан пешқадам бўлиб турибди, Эрон ва Бельгия ҳисобида 2 тадан очко мавжуд, Янги Зеландия эса 1 очко билан сўнгги ўринда бормоқда.

ЖЧ—2026: Миср Янги Зеландиядан устун келди, Кабо-Верде–Уругвай ва Эрон–Бельгия ўйинларида дуранг қайд этилди

 

Футбол бўйича 2026 йилги Жаҳон чемпионатининг G гуруҳи 2-туридан ўрин олган Янги Зеландия ва Миср терма жамоалари ўртасидаги баҳс якунланди. Муросасиз кечган учрашувда Миср терма жамоаси ҳисобда ортда бораётганига қарамай, камбек амалга ошириб, 3:1 ҳисобида ғалаба қозонди.

 

Учрашувнинг 15-дақиқасида Янги Зеландия сафида Финн Сурман гол уриб, жамоасини олдинга олиб чиқди.

 

Иккинчи бўлимда эса ташаббус тўлиқ Миср терма жамоаси қўлига ўтди. 59-дақиқада Мостафо Зико мувозанатни тиклади. Орадан саккиз дақиқа ўтиб, жамоа сардори Муҳаммад Салоҳ рақиб дарвозасини ишғол қилиб, Мисрни ҳисобда олдинга олиб чиқди.

 

Учрашувнинг 82-дақиқасида Маҳмуд Трезеге томонидан киритилган гол якуний натижани ўрнатди.

 

H гуруҳида Кабо-Верде терма жамоаси Уругвай билан 2:2 ҳисобида дуранг ўйнаган бўлса, G гуруҳида Эрон ва Бельгия терма жамоалари ғолибни аниқлай олмади.

 

АҚШнинг Маями шаҳридаги “Hard Rock” стадионида бўлиб ўтган Уругвай — Кабо-Верде баҳсидаги ҳисоб 21-дақиқада Кабо-Верде ярим ҳимоячиси Кевин Ленини томонидан очилди. Биринчи бўлим якунланишига яқин уругвайликлар ташаббусни ўз қўлига олди. Аввалига 44-дақиқада Максимилиано Араухо мувозанатни тиклади, бўлимга қўшиб берилган 45+6-дақиқада эса Агустин Каноббио Уругвайни ҳисобда олдинга олиб чиқди.

 

 

Иккинчи бўлимда Кабо-Верде таслим бўлмади. 61-дақиқада Элио Варела рақиб дарвозасини ишғол қилиб, ҳисобни тенглаштирди. Қолган дақиқаларда ҳар икки жамоа ғалаба голини излаган бўлсада, учрашув 2:2 ҳисобидаги дуранг билан якунланди.

 

Шу тариқа, Кабо-Верде кетма-кет иккинчи турда ҳам фаворитлардан очко тортиб олди. Аввалги турда жамоа Испания билан 0:0 ҳисобида дуранг ўйнаганди.

 

Шунингдек, Калифорниянинг Инглвуд шаҳрида бўлиб ўтган G гуруҳи учрашувида Эрон ва Бельгия терма жамоалари 0:0 ҳисобида дуранг қайд этди.

 

Баҳснинг 25-дақиқасида Меҳди Тареми томонидан киритилган гол ВАР текширувидан сўнг офсайд сабабли бекор қилинди. 66-дақиқада эса Бельгия ҳимоячиси Натан Нгои қизил карточка олиб, майдонни тарк этди ва европаликлар учрашувнинг қолган қисмини бир киши кам бўлиб ўтказди.

 

Бельгия ўйин давомида устунликка эга бўлган бўлсада, Эрон дарвозабони Алиризо Бейранванд ишончли ҳаракат қилиб, еттита сейв амалга оширди ва учрашувнинг энг яхши футболчиси деб топилди.

 

Икки турдан сўнг G гуруҳида Миср 4 очко билан пешқадам бўлиб турибди. Эрон ва Бельгия ҳисобида 2 тадан очко мавжуд, Янги Зеландия эса 1 очко билан сўнгги ўринда бормоқда.

Роналдиньо яна майдонда: афсонавий футболчи расмий ўйинда қатнашмоқда

Роналдиньо яна майдонда: афсонавий футболчи расмий ўйинда қатнашмоқда

46 ёшли футболчи Италиянинг “Равенна” клуби сафида “Форли”га қарши баҳсни асосий таркибда бошлади.

Ўртоқлик учрашуви: Ўзбекистон Россияга имкониятни бой берди

Ўртоқлик учрашуви: Ўзбекистон Россияга имкониятни бой берди

Мезбонлар икки тўп фарқи билан олдинда бораётганига қарамай, устунликни сақлаб қола олмади.

Инфантино ЖЧни кенгайтириш фикридан қайтди: жамоалар сони 48 та бўлиб қолади

Инфантино ЖЧни кенгайтириш фикридан қайтди: жамоалар сони 48 та бўлиб қолади

The Times маълумотига кўра, мусобақани кенгайтириш таклифи UEFA ва Осиё футбол конфедерацияси қаршилигига учраган.

Ҳусанов рўйхатда йўқ: Каннаваро Ўзбекистон МТЖнинг ноябрь ойидаги ўйинлари учун таркибни эълон қилди

Ҳусанов рўйхатда йўқ: Каннаваро Ўзбекистон МТЖнинг ноябрь ойидаги ўйинлари учун таркибни эълон қилди

Ўзбекистон терма жамоаси ноябрь ойида иккита ўртоқлик учрашувида майдонга тушади.

Каннаваро Италия клубидан таклиф олса, кетадими? Мураббий жавоб берди

Каннаваро Италия клубидан таклиф олса, кетадими? Мураббий жавоб берди

Унинг фикрича, клубдаги мураббийлик фаолиятининг ўзига хос афзаллиги бор.

23 йил, 234 та ўйин ва 146 та гол: Роналду Португалия термасидаги фаолиятини якунлади

23 йил, 234 та ўйин ва 146 та гол: Роналду Португалия термасидаги фаолиятини якунлади

41 ёшли ҳужумчи миллий жамоа сафида 23 йил давомида кийиб келган 7-рақамли футболкасини кейинги авлодга топширишини маълум қилди.

Осиё кубоги кечиктирилди: турнир қачон ўтказилади?

Осиё кубоги кечиктирилди: турнир қачон ўтказилади?

Бунга минтақадаги вазият, логистика қийинчиликлари ва транспортдаги узилишларни сабаб қилиб кўрсатди.

«Ал-Насср» Тошкентга келмоқда: Роналду қайдномада борми?

«Ал-Насср» Тошкентга келмоқда: Роналду қайдномада борми?

«Пахтакор» ва «Ал-Насср» ўртасидаги учрашув 2 ноябрь куни Тошкентдаги «Пахтакор» марказий стадионида бўлиб ўтади.