Эрон ва АҚШ музокараларидан сўнг тўртта ишчи гуруҳ тузилди
Тузилган гуруҳлар санкцияларни бекор қилиш, ядровий келишувлар, иқтисодий тикланиш ҳамда келишувлар ижросини мониторинг қилиш йўналишларини қамраб олади.
Эрон ва Қўшма Штатлар ўртасидаги музокаралардан сўнг санкцияларни бекор қилиш, ядровий келишувлар, иқтисодий тикланиш ҳамда мониторинг масалалари бўйича тўртта ишчи гуруҳ тузилди.
Бу ҳақда Эрон ташқи ишлар вазири ўринбосари Казем Ғарибободий Швейтсариянинг Бюргенсток шаҳрида ўтказилган тўрт томонлама маслаҳатлашувлардан сўнг Press TV телеканалига маълум қилди.
Унинг сўзларига кўра, тузилган ишчи гуруҳлар санкцияларни юмшатиш, ядровий тартибга солиш, иқтисодий тикланиш ва қайта қуриш ҳамда келишувлар ижросини мониторинг қилиш йўналишларини қамраб олади.
Шунингдек, томонлар Ҳормуз бўғози орқали юк ташиш масалаларини мувофиқлаштириш учун махсус алоқа пунктини ташкил этишга келишиб олган.
21 июнь куни Бюргенстокда Қатар ва Покистон воситачилигида ўтган АҚШ–Эрон музокараларининг биринчи босқичи ижобий ва конструктив муҳитда ўтган. Қўшма баёнотга кўра, учрашувда техник музокаралар учун муҳим пойдевор яратилган.
