ЖЧ—2026: Жазоир Иорданияни 2:1 ҳисобида мағлуб этди
Иордания ҳисобни очганига қарамай, Жазоир камбек амалга оширди.
2026 йилги FIFА Жаҳон чемпионати гуруҳ босқичи иккинчи туридан ўрин олган Иордания ва Жазоир терма жамоалари ўртасидаги учрашув Жазоирнинг 2:1 ҳисобидаги ғалабаси билан якунланди.
АҚШнинг Калифорния штати Санта-Клара шаҳридаги “Levi’s Stadium”да бўлиб ўтган баҳсда ҳисоб 36-дақиқада иорданиялик Низар Ал-Рашдан томонидан очилди. Шу тариқа ярим ҳимоячи терма жамоасининг ЖЧ-2026даги иккинчи голига муаллифлик қилди.
Иккинчи бўлим ўрталарида Риёд Маҳрезнинг узатмасидан сўнг Нодир Бенбоуали мувозанатни тиклади. Учрашувнинг 82-дақиқасида эса Амине Гуири рақиб дарвозасини ишғол этиб, Жазоирга ғалаба келтирган гол муаллифига айланди.
Шу тариқа, Жазоир терма жамоаси гуруҳ босқичидаги иккинчи тур учрашувида Иорданияни 2:1 ҳисобида мағлуб этди.
Маълумот учун, 2026 йилги FIFА Жаҳон чемпионати АҚШ, Канада ва Мексикада бўлиб ўтмоқда. Турнир 11 июнь куни старт олган бўлиб, 19 июлга қадар давом этади.
