Узунликка сакраш бўйича Ўзбекистон рекорди янгиланди
Хорватиядаги турнирда иштирок этган спортчи Анвар Анваров 8,29 метр узунликка сакраб, янги рекорд ўрнатди.
Хорватиянинг Загреб шаҳрида енгил атлетика бўйича ўтказилган халқаро турнирда Ўзбекистон терма жамоаси аъзоси Анвар Анваров олтин медални қўлга киритди.
Узунликка сакраш баҳсларида иштирок этган спортчи 8,29 метр натижа қайд этиб, Ўзбекистоннинг янги миллий рекордини ўрнатди. Шу билан у ўзига тегишли аввалги рекордни 4 сантиметрга яхшилади. Анваров ўтган йили Финляндияда бўлиб ўтган мусобақада 8,25 метр натижа кўрсатган эди.
Турнир якунларига кўра, иккинчи ўринни 8,23 метр натижа билан сербиялик Лука Бошкович, учинчи ўринни эса 8,18 метр билан ямайкалик Тажей Гейл эгаллади.
Турнирнинг якуний натижалари:
- Анвар Анваров (Ўзбекистон) — 8,29 метр
- Лука Бошкович (Сербия) — 8,23 метр
- Тажей Гейл (Ямайка) — 8,18 метр
