Ўзбекистонда 4–6 июль кунлари сел ва сув тошқини хавфи эълон қилинди
Ёмғирлар сабаб сув тошқини хавфи юзага келиши мумкин.
Ўзгидромет прогнозига кўра, 4–6 июль кунлари кутилаётган ёмғирлар сабаб республиканинг тоғ олди ва тоғли ҳудудларида сел-сув тошқин ҳодисалари юзага келиши мумкин.
Хусусан, Қашқадарё вилоятининг Яккабоғ, Деҳқонобод, Чироқчи, Китоб, Шаҳрисабз, Қамаши ва Ғузор, Сурхондарё вилоятининг Сариосиё, Узун, Олтинсой, Денов, Бойсун, Шеробод, Шўрчи, Қумқўрғон ҳамда Музробот, Самарқанд вилоятининг Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой ва Иштихон туманларида сел хавфи кузатилиши мумкин.
Шунингдек, Навоий вилоятининг Хатирчи, Навбаҳор, Нурота, Конимех ва Кармана, Жиззах вилоятининг Зомин, Бахмал, Ғаллаорол, Шароф Рашидов, Фориш ва Янгиобод, Тошкент вилоятининг Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманлари ҳамда Ангрен ва Олмалиқ шаҳарларида ҳам хавф сақланиб қолмоқда.
Бундан ташқари, Наманган вилоятининг Поп, Косонсой, Чортоқ, Чуст, Наманган ва Янгиқўрғон, Фарғона вилоятининг Сўх, Шоҳимардон, Фарғона ва Бешариқ, Андижон вилоятининг Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари ҳамда Хонабод шаҳрида ҳам сел-сув тошқинлари юзага келиши эҳтимоли мавжуд.
Мутахассислар тоғ олди ва тоғли ҳудудларда яшовчи фуқаролар, дам олувчилар ҳамда ушбу йўналишларда ҳаракатланаётган ҳайдовчиларни эҳтиёткорлик чораларига қатъий амал қилишга чақирди.
Шунингдек, кучли ёғингарчилик сабаб республиканинг айрим ҳудудларида ёмғир сувлари тўпланиши эҳтимоли бор, бу эса ҳудудларни сув босишига олиб келиши мумкин.
