Швейцария пенальтилар сериясида Колумбияни мағлуб этиб, чорак финалга чиқди
Жамоа навбатдаги босқичда Аргентинага қарши майдонга тушади.
2026 йилги ФИФА Жаҳон чемпионатининг 1/8 финал босқичида Швейцария терма жамоаси Колумбияни пенальтилар сериясида мағлуб этиб, чорак финал йўлланмасини қўлга киритди.
Ванкувер шаҳридаги BC Place стадионида бўлиб ўтган учрашувнинг асосий ва қўшимча бўлимларида томонлар дарвозаларни ишғол эта олмади ва баҳс 0:0 ҳисобида якунланди. Ғолиб пенальтилар церийасида аниқланди.
11 метрлик зарбалар церийасида Швейтсария 4:3 ҳисобида устун келди. Швейцария дарвозабони Грегор Кобел колумбиялик Кучо Эрнандеснинг зарбасини қайтарган бўлса, Давинсон Санчеснинг зарбаси дарвоза тўсинига тегиб майдонга қайтди. Швейцария сафида фақат Мануэл Аканжи пенальти зарбасидан фойдалана олмади.
Мазкур ғалабадан сўнг Швейцария терма жамоаси чорак финал йўлланмасини қўлга киритди. Жамоа навбатдаги босқичда Аргентина терма жамоасига қарши майдонга тушади. Учрашув 12 июль куни АҚШнинг Миссури штати, Канзас-Сити шаҳридаги Arrowhead Stadiumда бўлиб ўтади.
