Саида Мирзиёева Франциянинг етакчи компаниялари вакиллари билан учрашди
Ушбу музокаралар яқинда Президент Эммануэл Макрон билан бўлиб ўтган олий даражадаги мулоқотнинг узвий ва мантиқий давоми экани таъкидланди.
Президент администрацияси раҳбари Саида Мирзиёева Франция тадбиркорлари халқаро ҳаракати (MEDEF International) ҳузуридаги Ўзбекистон–Франция ишбилармонлар кенгаши раиси, “Оrano” компанияси директорлар кенгаши раҳбари Клод Имовен бошчилигидаги француз компаниялари делегацияси билан учрашув ўтказди.
Маълум қилинишича, энергетика, таълим, сув таъминоти тизими, транспорт ва шаҳар инфратузилмаси каби устувор соҳаларда ҳамкорликни кенгайтириш мақсад қилинган.
“Ушбу музокаралар яқинда Президент Эммануэл Макрон билан бўлиб ўтган олий даражадаги мулоқотимизнинг узвий ва мантиқий давомидир", дея ёзди Саида Мирзиёева.
