ЖЧ-2026: Англия қўшимча бўлимларда Норвегияни мағлуб этиб, ярим финалга йўл олди
Ҳолланд ўзининг илк Жаҳон чемпионатини 7 та гол билан якунлади.
2026 йилги Жаҳон чемпионатининг чорак финал босқичида Англия ва Норвегия терма жамоалари ўртасидаги баҳс мухлисларга кескин курашни тақдим этди. Қўшимча бўлимларгача чўзилган учрашувда инглизлар 2:1 ҳисобида ғалаба қозониб, ярим финал йўлланмасини қўлга киритди.
Баҳсда ҳисобни 36-дақиқада норвегиялик Андреас Шелдеруп очди. Бироқ биринчи бўлимга қўшиб берилган дақиқаларда Жуд Беллингем мувозанатни тиклади ва жамоалар танаффусга 1:1 ҳисобида йўл олди.
Иккинчи бўлимда ҳар икки жамоада ҳам гол уриш учун имкониятлар бўлди. Норвегиянинг яна бир голи VAR текширувидан сўнг бекор қилинди ва асосий вақтда ғолиб аниқланмади.
Қўшимча бўлимнинг 93-дақиқасида Жуд Беллингем норвегиялик дарвозабоннинг хатосидан унумли фойдаланиб, ўзининг иккинчи голини урди ва Англияга 2:1 ҳисобидаги муҳим ғалабани тақдим этди. Ушбу натижадан сўнг Томас Тухел шогирдлари Жаҳон чемпионатининг ярим финалига йўл олди ва энди Аргентина — Швейсария жуфтлиги ғолибига қарши майдонга тушади.
ЖЧ-2026. Чорак финал
Голлар: Шелдеруп 36 — Беллингем 45+2, 93.
