Ароқчи: Нетаняхунинг мақсади — Эронни парчалаш
Эрон ташқи ишлар вазири Теҳрон босимларга қарамай ўз суверенитетини ҳимоя қилганини билдирди.
Эрон ташқи ишлар вазири Аббос Ароқчи Исроил Бош вазири Бенямин Нетаняхуни Эронни парчалаш ва Ислом Республикасини йўқ қилишга уринишда айблади.
Вазирнинг таъкидлашича, Нетаняху Исроилнинг Эрондаги миссияси ҳали якунланмаганини билдирган ва унинг асосий мақсади Ислом Республикасини йўқ қилиш эканини очиқ айтган.
Ароқчи, шунингдек, Нетаняху АҚШ президенти Доналд Трампни Эронга қарши ҳарбий операция бошлашга ундаганини даъво қилган.
Эрон ТИВ раҳбарига кўра, Теҳрон босимларга қарамай ўз суверенитетини сақлаб қолишга муваффақ бўлган.
“Душман дастлаб биздан шартсиз таслим бўлишни талаб қилди. Бироқ якунда Эрон билан ўзаро англашув меморандумини имзолади. Бу АҚШ Эрон суверенитетини ҳурмат қилишга мажбур бўлганини англатади”, — дея таъкидлаган Ароқчи.
