Ўзбекистонда хизмат кўрсатган артист Насиба Мадраҳимова 80 ёшида вафот этди
“Баҳор” давлат рақс ансамблининг етакчи раққосаларидан бири бўлган санъаткор узоқ йиллар миллий рақс санъати ривожига муносиб ҳисса қўшган.
Мукаррам Турғунбоева номидаги машҳур «Баҳор» давлат рақс ансамблининг етакчи раққосаларидан бири, Ўзбекистонда хизмат кўрсатган артист Насиба Мадраҳимова 23 июль куни 80 ёшида вафот этди. Бу ҳақда санъат арбоби Насриддин Асриддинов маълум қилди.
Насиба Мадраҳимова ўзбек миллий рақс санъати мактабининг ёрқин намояндаларидан бири бўлиб, узоқ йиллар давомида «Баҳор» ансамбли сафида самарали ижод қилди. У нафақат саҳнадаги маҳорати, балки кўплаб ёш раққосаларга миллий рақс санъати сирларини ўргатган тажрибали устоз сифатида ҳам эътироф этилган.
Санъаткорнинг миллий маданият ва санъат ривожига қўшган муносиб ҳиссаси эътироф этилиб, 1981 йилда унга “Ўзбекистонда хизмат кўрсатган артист” фахрий унвони берилган.
