Мустақиллик байрами олдидан Ўзбекистонда "Долзарб 40 кун" тозалик тадбирлари бошланди
Тадбир доирасида ҳудудларда ободонлаштириш, санитария-тозалаш ва чиқиндиларни бошқариш бўйича ишлар амалга оширилмоқда.
Ўзбекистонда Мустақилликнинг 35 йиллиги муносабати билан 28 июлдан 6 сентябрга қадар республика бўйлаб "Долзарб 40 кун" экологик тадбирлари ўтказилмоқда. Бу даврда ҳудудларда ободонлаштириш, санитария-тозалаш ишлари ва чиқиндиларни бошқариш бўйича кенг кўламли тадбирлар амалга оширилади.
Экология ва иқлим ўзгариши миллий қўмитаси маълум қилишича, тадбирларнинг асосий мақсади санитария-тозалаш ишларини кучайтириш, чиқиндиларни бошқариш тизимини такомиллаштириш ҳамда аҳолининг экологик маданиятини юксалтиришдан иборат.
Тасдиқланган режа асосида Қўмита ҳузуридаги Чиқиндиларни бошқариш ва циркуляр иқтисодиётни ривожлантириш агентлиги, унинг ҳудудий бошқармалари ҳамда "Чиқинди полигонларини бошқариш дирекцияси" давлат муассасаси томонидан республика бўйлаб амалий тадбирлар ташкил этилмоқда.
Тадбирларни мувофиқлаштириш мақсадида Агентлик ва унинг ҳудудий тузилмаларида махсус штаблар тузилган. Ҳар бир ҳудудга масъул ходимлар бириктирилиб, навбатчилик тизими жорий этилган ҳамда амалга оширилаётган ишлар устидан кунлик мониторинг йўлга қўйилган.
Қайд этилишича, "Долзарб 40 кун" тадбирлари Президентнинг 2026 йил 1 апрелдаги ПҚ-120-сон қарори ижросини таъминлаш доирасида ўтказилмоқда. Амалга оширилаётган ишлар ҳақидаги маълумотлар ҳар куни Агентликка тақдим этилиб, республика миқёсида умумлаштирилади.
Экология ва иқлим ўзгариши миллий қўмитаси давлат органлари, корхона ва ташкилотлар, тадбиркорлик субъектлари ҳамда фуқароларни экологик тадбирларда фаол иштирок этишга, аҳоли пунктларини ободонлаштириш ва атроф- асрашга ҳисса қўшишга чақирди.
