Жаҳон

Украина нега WB'га зарба бермоқда?

Украина Россиянинг “Wildberries” омборига кетма-кет бир неча бор зарба бергани ҳақида интернетда тарқалган видео ва хабарларга кўзингиз  тушган бўлиши мумкин. Хўш, нега Украина бу ерга зарба бермоқда?

Украина нега WB'га зарба бермоқда?

3 август куни Украина Россиянинг Владимир вилоятидаги “Wildberries” омборига яна бир бор зарба берди. Бу электрон тижорат гигантининг логистика тармоғига сўнгги икки ҳафта ичида берилган учинчи зарба бўлди. Киев ушбу тармоқни Россия ҳарбий дронлари эҳтиёт қисмларини етказиб берувчи асосий занжирлардан бири деб ҳисобламоқда.

 

 

“Wildberries” матбуот хизмати Теlegram'даги саҳифасида объектда ёнғин чиққанини тасдиқлади ва дастлаб жабрланганлар йўқлигини маълум қилди. Бироқ, кейинчалик Владимир вилояти губернатори Александр Авдеев ҳужум оқибатида икки киши жароҳат олганини билдирди.

 

18 июлдан бери Киев Россиянинг тез-тез “Аmazon”га қиёсланадиган ушбу энг йирик e-тижорат гигантига уюштирилаётган ҳужумларини кескин оширди.

 

Украина нега “Wildberries” объектларини нишонга олмоқда?

 

2004 йилда ташкил этилган “Wildberries” Россиянинг энг йирик онлайн бозори ҳисобланади.

 

Украина Президенти Володимир Зеленскийнинг таъкидлашича, украин дронлари томонидан нишонга олинган омборлар Россия қуролли кучларини дрон қисмлари, навигация ускуналари ва бошқа ҳарбий компонентлар билан таъминлашда иштирок этган.

 

Электрон тижорат платформаси ўз сайтида ҳарбий анжомларнинг кенг турини, жумладан дрон эҳтиёт қисмлари ва бронжилетларни сотувга қўйган. Аммо компаниянинг Россия уруш даври иқтисодиётидаги ўрни фақат бу билан чекланиб қолмайди.

 

Бизнес кўламини тушуниш учун баъзи рақамларга мурожаат қилсак: “Wildberries” йиллик товар айланмаси 70–75 миллиард еврони ташкил этишини маълум қилган, бу турли баҳолашларга кўра Россия ЯИМининг 2 фоизидан сал кўпроғига тенг.

 

Тез-тез “Аmazon”га таққосланадиган ушбу маркетплейс ўн минглаб одамларни тўғридан-тўғри иш билан таъминлайди — компаниянинг ўз маълумотларига кўра, доимий ходимлар сони тахминан 50 000 кишини ташкил этади, мавсумий тушумлар пайтида эса унинг кенгайтирилган логистика ишчи кучи 100 000 дан ошиб кетади.

 

“Wildberries” ва унинг асосчиси, Россиянинг энг бой аёли сифатида танилган Татяна Ким Россиянинг 2022 йил бошида Украинага қилган кенг кўламли босқини сабабли халқаро санкциялар нишонига айланган.

 

2022 йилда Полша компанияга нисбатан санкциялар киритар экан, “Wildberries”ни “Россия Федерациясидаги энг йирик солиқ солиқ тўловчи” деб таърифлаган эди.

 

Июль ойида Европа Иттифоқи компаниянинг банк тармоғига Россия давлат бюджетига қўшаётган молиявий ҳиссаси учун санкция қўллади.

 

Гарчи Кимнинг ўзи ўтган жума куни унинг бизнеси украин ҳужумлари етказган зарарлар учун фойдаланувчиларга товон пули тўлашга қонунан мажбур эмаслигини таъкидлаган бўлса-да, “Wildberries” Москвадан муайян турдаги компенсация кутаётгани аниқ.

 

Россия ўзининг энг йирик онлайн бозорини сақлаб қоладими?

 

Россия учун “Wildberries” мамлакат иқтисодиётидаги ўрни жуда катта бўлгани сабабли “инқирозга юз тутишига йўл қўйиб бўлмайдиган” (tоо big to fail) субъект ҳисобланади.

 

ОАВ хабарларига кўра, Россия ҳукумати ушбу ҳужумлардан сўнг “Wildberries” ва унда савдо қилувчи бизнесларни қўллаб-қувватлаш йўлларини изламоқда. Хабар қилинишича, давлат назоратидаги "ВТБ" банки кредитлар, субсидиялар ёки солиқ имтиёзлари каби давлат ёрдамини ташкиллаштиришда марказий ролни ўйнаши кутилмоқда.

 

Ўтган ҳафта давомида “Wildberries”дан фойдаланиб келаётган россиялик тадбиркорлар платформа томонидан деярли ҳеч қандай ёрдам берилмай, катта йўқотишлар билан ёлғиз қолиб кетишаётганидан шикоят қилиб ижтимоий тармоқларга ёпирилишди.

 

Сотувчилар уларга таклиф қилинган рамзий компенсациядан кўра солиқ имтиёзлари ва кредит таътиллари муҳимроқ эканини таъкидлаб, агар жиддий ёрдам олишмаса, минглаб кичик бизнеслар ёпилиш хавфи остида қолиши ва солиқ тушумлари кескин камайиб кетишидан огоҳлантиришди.

 

Ушбу постларнинг аксарияти Россияда 2022 йил март ойидан бери расман тақиқланган Instagram тармоғида пайдо бўлди.

 

 

 

Россия ва Украина ўзаро зарбаларни давом эттирмоқда: нефть заводлари ва турар жойлар нишонга олинди

Россия ва Украина ўзаро зарбаларни давом эттирмоқда: нефть заводлари ва турар жойлар нишонга олинди

Украина зарбалар Россия армиясини ёқилғи билан таъминлайдиган корхоналарга қаратилганини билдирди. Россиянинг Одессага ҳужуми оқибатида 4 киши ҳалок бўлди.

Яманда жанглар кучайди: Саудия коалицияси ҳусийларнинг 60 та объектига зарба берди

Яманда жанглар кучайди: Саудия коалицияси ҳусийларнинг 60 та объектига зарба берди

Мамлакатнинг Таиз вилоятида ҳукумат кучлари ва ҳусийлар ўртасида шиддатли жанглар давом этмоқда.

Таиландда тоза сув муаммоси: бунга Мянмадаги конлар сабаб бўлмоқда

Таиландда тоза сув муаммоси: бунга Мянмадаги конлар сабаб бўлмоқда

Таиланднинг Мянма билан чегарадош ҳудудида сув манбаларида мишяк миқдори белгиланган меъёрдан 25–30 баравар юқори экани аниқланди.

Тошкентдаги Умра можароси: Қирғизистон фуқароларига қўшни давлатлар орқали сафар қилмаслик айтилди

Тошкентдаги Умра можароси: Қирғизистон фуқароларига қўшни давлатлар орқали сафар қилмаслик айтилди

12 ноябрдан бери 104 нафар қирғизистонлик зиёратчи Тошкентда қолиб кетган.

Дунёда 240 миллионга яқин ўсмир етарлича жисмоний фаол эмас — ЖССТ

Дунёда 240 миллионга яқин ўсмир етарлича жисмоний фаол эмас — ЖССТ

Уларнинг атиги 14 фоизи ҳафтанинг барча кунларида камида бир соатдан фаол ҳаракат қилади.

Украинага яна 45 миллиард евро: Европа Комиссияси янги ёрдам пакетини таклиф қилди

Украинага яна 45 миллиард евро: Европа Комиссияси янги ёрдам пакетини таклиф қилди

Бу мамлакатнинг келгуси йилги 70 миллиард евролик молиявий эҳтиёжининг учдан икки қисмини қоплайди.

Путин ва Си Цзиньпин учрашуви якунланди: нималар муҳокама қилинди?

Путин ва Си Цзиньпин учрашуви якунланди: нималар муҳокама қилинди?

Бу йил бошидан буён уларнинг бешинчи учрашуви бўлди.

Патриот тизимлари ва ракета қурилмалари нишонда: Эрон Қувайтдаги АҚШ ҳарбий базасига ҳужум қилди

Патриот тизимлари ва ракета қурилмалари нишонда: Эрон Қувайтдаги АҚШ ҳарбий базасига ҳужум қилди

Аввалроқ Баҳрайндаги АҚШ радар станцияси ҳам нишонга олинган эди.