Ўзбекистон

Янги ўқув йилига тайёргарлик: "Президент совғалари" 25 августгача мактабларга етказилади

“Президент совғаси” таркибига 12 турдаги ўқув қуроллари ҳамда Мустақилликнинг 35 йиллиги муносабати билан давлат рамзлари тасвирланган брелок киритилган.

Янги ўқув йилига тайёргарлик: "Президент совғалари" 25 августгача мактабларга етказилади

Мактабгача ва мактаб таълими вазирлиги томонидан 2026–2027-ўқув йилига тайёргарлик ҳамда 1-синф ўқувчиларига топшириладиган “Президент совғалари”ни ҳудудларга етказиш жараёнларига бағишланган пресс-тур ташкил этилди.

 

 

Унда маълум қилинишича, янги ўқув йилида республикадаги 10 225 та умумтаълим мактабида 6,7 миллиондан ортиқ ўқувчи таҳсил олади. Уларга 550 мингдан ортиқ педагог таълим беради.

 

Жорий ўқув йилида 795 мингдан ортиқ болани 1-синфга қабул қилиш режалаштирилган. 5 август ҳолатига кўра, 680 минг нафар бола мактабга қабул қилинган бўлиб, бу режанинг 85 фоизини ташкил этади.

 

 

Вазирлик маълумотига кўра, 1-синф ўқувчилари учун мўлжалланган “Президент совғаси” таркибига 12 турдаги ўқув қуроллари киритилган. Улар орасида мактаб сумкаси, дафтарлар, ручка, оддий ва рангли қаламлар, пластилин, акварель бўёқлари, расм дафтари, елим, ўчирғич ва қаламдон мавжуд. Мазкур совғалар 15 августга қадар ҳудудларга, 25 августга қадар эса қабул қилинган ўқувчилар сонига мос равишда барча мактабларга етказилади.

 

 

Мактабгача ва мактаб таълими вазирлиги бошқарма бошлиғи Эркин Муродовнинг таъкидлашича, бу йил совғалар сифати ва чидамлилигини оширишга алоҳида эътибор қаратилган.

 

“Ўтган йилларда болаларга берилган 'Президент совғаси'нинг сифати ва чидамлилиги бўйича ота-оналар ўртасида сўровнома ўтказдик. Уларнинг фикрлари асосида маҳсулотлар сифати ва чидамлилигига алоҳида эътибор қаратилди, барча ўқув қуроллари белгиланган стандартлар ҳамда санитария меъёрлари асосида текширилди. Шунингдек, Мустақилликнинг 35 йиллиги муносабати билан бу йил биринчи синф ўқувчиларига давлат рамзлари тасвирланган брелок ҳам топширилади”, — деди у.

 

Пресс-тур давомида ўқувчи сумкаларининг оғирлиги юзасидан ҳам изоҳ берилди. Вазирлик масъул ходими Қаҳрамон Алмардоновнинг айтишича, сумканинг оғирлашишига фақат “Президент совғаси” сабаб бўлмайди.

 

“Ўрганишлар шуни кўрсатдики, айрим ота-оналар болаларига катта ҳажмли сумкалар олиб беради. Натижада сумкага қўшимча буюмлар, сув идишлари, шунингдек, дарс жадвалига кирмайдиган дарслик ва машқ дафтарлари жойланади. Бу эса сумканинг оғирлашишига сабаб бўлади. Шу боис ота-оналардан фарзандларининг сумкасига фақат кунлик дарс жадвалига мос ўқув қуролларини жойлаштиришни назорат қилишларини сўраймиз”, — деди у.

 

Пресс-тур доирасида журналистлар вазирлик ҳузуридаги “Таъминот ва логистика хизмати” корхонасида ўқув қуролларини қадоқлаш ва ҳудудларга жўнатиш жараёни билан танишди. 

 

Шунингдек, Тошкент шаҳридаги 202-сонли умумтаълим мактаби мисолида янги ўқув йилига тайёргарлик ишлари намойиш этилди.

 

Мазкур мактабда янги ўқув йилида 1 260 нафардан ортиқ ўқувчи таҳсил олиши, 175 нафар бола эса 1-синфга қабул қилиниши режалаштирилган. Мактабда инклюзив таълим учун ташкил этилган синфларда ҳозирда 13 нафар ўқувчи, жумладан, бу йил қабул қилинган 2 нафар биринчи синф ўқувчиси таълим олмоқда.

 

Маълумот учун, Ўзбекистонда давлат умумтаълим мактаблари ўқувчилари дарсликлар билан 2022/2023-ўқув йилидан бошлаб бепул таъминланмоқда.

Қаршидаги хонадонда газ портлади: жароҳатланганлар бор

Қаршидаги хонадонда газ портлади: жароҳатланганлар бор

Ҳозирда ҳодисанинг келиб чиқиш сабаблари ва ҳолатларини аниқлаш юзасидан суриштирув ишлари олиб борилмоқда.

Ўзбекистонда 23,5 мингта хорижий корхона фаолият юритмоқда: энг кўпи савдо соҳасида

Ўзбекистонда 23,5 мингта хорижий корхона фаолият юритмоқда: энг кўпи савдо соҳасида

Саноат, ахборот ва алоқа ҳамда қурилиш йўналишлари ҳам хорижий корхоналар фаолиятида етакчи соҳалар қаторида.

Электр энергияси тўлови: газсиз ҳудудлар учун ойлик базавий меъёр оширилди

Электр энергияси тўлови: газсиз ҳудудлар учун ойлик базавий меъёр оширилди

Янги меъёрдан фойдаланиш учун фуқаролардан ариза ёки қўшимча ҳужжатлар талаб этилмайди.

ОТМлар миллий рейтинги: давлат олийгоҳларини рағбатлантириш тартиби белгиланди

ОТМлар миллий рейтинги: давлат олийгоҳларини рағбатлантириш тартиби белгиланди

Рейтинг натижалари эълон қилинганидан кейин 15 иш куни ичида рағбатлантириш маблағлари давлат олий таълим ташкилотига ўтказилади.

3,2 млрд сўм қиморга тикилди: банк ходими мижозлар маблағини ўзлаштирган

3,2 млрд сўм қиморга тикилди: банк ходими мижозлар маблағини ўзлаштирган

Андижонда онлайн қимор билан боғлиқ бир нечта фирибгарлик ҳолатлари фош этилди.

Зиёратга юбориш ваъдаси: “Умра” зиёратини ноқонуний ташкил этишга уринганлар аниқланди

Зиёратга юбориш ваъдаси: “Умра” зиёратини ноқонуний ташкил этишга уринганлар аниқланди

Уч ҳудудда фуқароларни ноқонуний зиёратга юбориш эвазига пул олган шахслар ушланди.

Австралия меҳнат бозорига йўл очилмоқда: ўзбекистонлик мутахассислар ишга жалб этилиши мумкин

Австралия меҳнат бозорига йўл очилмоқда: ўзбекистонлик мутахассислар ишга жалб этилиши мумкин

Австралиянинг Шимолий ҳудуди вакиллари билан ўзбекистонлик малакали ишчиларни жалб қилиш бўйича музокаралар ўтказилди.

Боғчалардаги болаларда кўз касаллиги тарқалаяптими?

Боғчалардаги болаларда кўз касаллиги тарқалаяптими?

Тошкент вилояти ССБ тарқалаётган хабарларга муносабат билдирди.