Вазирлик мансабдори 6 минг доллар билан қўлга олиндими?
Бош прокуратура тарқалган хабарларга ойдинлик киритди.
Ижтимоий тармоқларда бир вазирликнинг Коррупцияга қарши курашиш бўлинмаси раҳбари гўёки 6 минг АҚШ доллари билан қўлга олингани ҳақидаги хабарлар ҳақиқатга тўғри келмайди. Бу ҳақда Бош прокуратура маълум қилди.
Қайд этилишича, ижтимоий тармоқларда тарқалаётган мазкур маълумотлар асоссиз бўлиб, ўз тасдиғини топмаган.
Шу муносабат билан Бош прокуратура фуқароларни фақат расмий манбаларда эълон қилинган ахборотларга таянишга ҳамда текширилмаган маълумотларни тарқатмасликка чақирди.
