Актёр ва режиссёр Абдуманнон Убайдуллаев вафот этди
У вафотига қадар Ўзбекистон давлат санъат ва маданият институти “Овоз режиссёрлиги ва операторлик маҳорати” кафедрасида талаба ёшларга таълим бериб келган.
Ўзбекистонда хизмат кўрсатган ёшлар мураббийси, санъатшунослик фанлари номзоди, профессор, таниқли киноактёр, режиссёр ва педагог Абдуманнон Убайдуллаев вафот этди. Бу ҳақда Ўзбекистон Киноарбоблари ижодий уюшмаси маълум қилди.
Абдуманнон Убайдуллаев кинорежиссёр Зулфиқор Мусоқовнинг “Ватан” фильмидаги роли билан кенг жамоатчиликка танилган. У фаолияти давомида “Омад”, “Сўнгги лаҳза”, “Ҳижрон”, “Назар”, “Йигит йиғламасин”, “Алданган кўнгил”, “Меҳр” каби кўплаб бадиий фильмлар ҳамда бир қатор миллий телесериалларда роллар ижро этган.
Ижодкор педагогик фаолият билан ҳам шуғулланган. У вафотига қадар Ўзбекистон давлат санъат ва маданият институти “Овоз режиссёрлиги ва операторлик маҳорати” кафедрасида талаба ёшларга таълим бериб келган.
