Мустақиллик байрамида ўзбекистонликлар неча кун дам олади?
Ҳафтасига 5 кун ишловчилар кетма-кет тўрт кун, 6 кун ишловчилар эса кетма-кет уч кун дам олади.
Ўзбекистонда 2026-йилги Мустақиллик байрами муносабати билан фуқаролар неча кун дам олиши маълум бўлди.
Президентнинг 2026 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисидаги фармонига кўра, 5 кунлик иш ҳафтасида ишлайдиган ходимлар 29 августдан 1 сентябргача кетма-кет 4 кун дам олади.
Дам олиш кунлари қуйидагича:
- 29 август, шанба — одатий дам олиш куни;
- 30 август, якшанба — одатий дам олиш куни;
- 31 август, душанба — барча ходимлар учун қўшимча ишланмайдиган кун;
- 1 сентябрь, сешанба — Мустақиллик куни, расмий байрам ва ишланмайдиган кун.
6 кунлик иш ҳафтасида ишлайдиган ходимлар учун эса 30 августдан 1 сентябргача 3 кун кетма-кет дам олиш белгиланади. Бунда 29 август, шанба — байрам олди қисқартирилган иш куни ҳисобланади.
2 сентябрь, чоршанба куни барча ходимлар учун одатий иш куни бўлади.
