“У ажойиб” — Трамп FIFA президенти Инфантинони қўллаб-қувватлади
АҚШ президенти раҳбари Жанни Инфантинони лавозимидан алмаштириш ташкилот учун “даҳшатли хато” бўлишини айтди.
АҚШ президенти Доналд Трамп FIFA президенти Жанни Инфантинони қўллаб-қувватлаб, ташкилот раҳбариятининг уни алмаштириш ҳақидаги эҳтимолий қарори хато бўлишини айтди.
Трамп бу ҳақдаги фикрларини Truth Social платформасида билдирган. Унинг таъкидлашича, Инфантино FIFA раҳбари сифатида муваффақиятли фаолият олиб бормоқда.
“У ажойиб. У аввалгиларига қараганда тўрт баравар муваффақиятли бўлган Жаҳон чемпионатини бошқарди. Агар Инфантино кетса, Жаҳон чемпионатлари ҳеч қачон аввалгидек муваффақиятли ёки даромадли бўлмайди”, — деб ёзган Трамп.
Инфантино 2016 йилдан буён FIFA президенти лавозимида фаолият юритмоқда. У 2019 ва 2023 йилларда ушбу лавозимга қайта сайланган. FIFA президентининг навбатдаги сайлови 2027 йилда ўтказилиши кутилмоқда.
Инфантино фаолияти сўнгги вақтларда FIFA доирасидаги айрим ташаббуслар сабаб танқид остида қолган. Хусусан, ташкилотнинг тижорий ва турнирларни ташкил этиш фаолиятини бирлаштирувчи FIFA Форвард Энтерприсе лойиҳасига хусусий инвесторларни жалб қилиш режаси UEFА ва футбол ҳамжамиятининг норозилигига сабаб бўлган. Кейинчалик FIFA ушбу режадан воз кечган.
