Эҳтиёжманд оилаларга “свет” ва газ учун 6 ойда 92,1 млрд сўм компенсация тўланди
Бунда базавий меъёр доирасидаги тариф билан ундан ошган қисм учун белгиланган нарх ўртасидаги фарқ қоплаб берилади.
2026 йилнинг январь-июнь ойларида Ўзбекистонда 562 918 та эҳтиёжманд оилага электр энергияси ва табиий газ учун жами 92,1 млрд сўм компенсация тўлаб берилди. Бу ҳақда Ижтимоий ҳимоя миллий агентлиги маълум қилди.
Компенсация Президентнинг 2025 йил 2 апрелдаги ПҚ-134-сон қарори асосида базавий меъёрдан ортиқ фойдаланилган электр энергияси ва табиий газ учун белгиланган тартибда ажратилади. Бунда базавий меъёр доирасидаги тариф билан ундан ошган қисм учун белгиланган нарх ўртасидаги фарқ қоплаб берилади.
Ҳисобот даврида электр энергияси учун 51 млрд 427,8 млн сўм, табиий газ учун эса 40 млрд 702,3 млн сўм компенсация тўланган.
Компенсация олиш тартиби бўйича батафсил маълумотни маҳалладаги ижтимоий ходим, тумандаги “Инсон” ижтимоий хизматлар маркази ёки Ижтимоий ҳимоя миллий агентлигининг 1140 қисқа рақамли Cалл-маркази орқали олиш мумкин.
