Чет элда ишлаётган ўзбекистонликлар cони эълон қилинди
Уларнинг асосий қисми Россия ва Европа мамлакатларида меҳнат қилади.
Ўзбекистон Марказий банки ҳисоботига кўра, айни пайтда дунёнинг қарийб 40 та мамлакатида 1,4 миллионга яқин Ўзбекистон фуқароси меҳнат қилмоқда.
Хорижда ишлаётган ўзбекистонликларнинг энг катта қисми Россия ҳиссасига тўғри келади. У ерда 834,2 минг нафар Ўзбекистон фуқароси ишламоқда.
Шунингдек:
Европа мамлакатларида — 258 минг нафар;
Қозоғистонда — 84,4 минг нафар;
Туркияда — 72,1 минг нафар;
Жанубий Кореяда — 46,4 минг нафар;
бошқа мамлакатларда — 97,7 минг нафар ўзбекистонлик ишламоқда.
Ҳисоботда хорижда ишлаётган Ўзбекистон фуқароларининг географик тақсимотида ҳам ўзгариш кузатилаётгани қайд этилган.
Жумладан, МДҲ мамлакатларининг улуши 29 фоизга камайган, Европа мамлакатлари улуши эса 42 фоизга, Шарқий Осиё мамлакатлари улуши 26 фоизга ошган.
Шунингдек, 2026 йил бошидан буён 124,5 минг нафар ўзбекистонлик хорижда юқори маошли иш ўринларига жойлаштирилгани маълум қилинган.
