Ислом Махачев UFC тарихидаги рекордни янгилади
34 ёшли MMA жангчиси ирландиялик рақибини мағлуб қилиб, кетма-кет 17-жангида зафар қучди.
Бугун, 16 август куни Филаделфияда ўтказилган UFC 330 турнирининг марказий жангида россиялик Ислом Махачев ирландиялик Иан Мачадо Геррини мағлуб этди.
Жанг беш раунд давом этди. Махачев иккинчи раундда рақибини нокдаунга учратди ва якунда ҳакамларнинг якдил қарори билан 49:46, 49:46, 48:47 ҳисобида ғалаба қозонди. Шу тариқа у ярим ўрта вазн тоифасидаги UFC чемпионлик камарини илк бор муваффақиятли ҳимоя қилди.
34 ёшли Махачев ушбу ғалаба орқали кетма-кет 17-жангида зафар қучди. Бу UFC тарихидаги энг узун ғалабали серия бўлиб, у Андерсон Силванинг 16 та кетма-кет ғалабадан иборат рекордини янгилади.
Мазкур ғалабадан сўнг Махачевнинг профессионал ММА'даги рекорди 29 ғалаба ва 1 мағлубиятни ташкил этмоқда.
28 ёшли Иан Мачадо Герри эса фаолиятидаги иккинчи мағлубиятини қабул қилиб олди. Унинг ҳисобида 17 та ғалаба ва 2 та мағлубият бор.
