Жаҳон

Қозоғистонда 19 ёшли ўзбекистонлик келин вафот этди

У ўлимидан олдин дугонасига эри ширинлик туфайли уни урганини айтган.

Қозоғистонда 19 ёшли ўзбекистонлик келин вафот этди

Қозоғистоннинг Жамбил вилояти Мерке туманида 19 ёшли Ўзбекистон фуқароси Мадина Рашид қизининг жасади топилди. Унинг ўлими юзасидан ҳуқуқни муҳофаза қилувчи органлар томонидан тергов олиб борилмоқда.

 

Қозоғистон полицияси мазкур ҳолат бўйича ўз жонига қасд қилишга ундаш моддаси билан иш очилганини маълум қилган. Ҳозирда воқеанинг барча тафсилотлари аниқланмоқда. Терговга оид бошқа маълумотлар ошкор қилинмаган.

 

Маҳаллий Qumash.kz нашрининг ёзишича, Мадина вафотидан олдин дугонасига эри билан муносабатларидаги муаммолар ҳақида гапирган. У турмуш ўртоғи билан тез-тез жанжаллашгани ва унинг томонидан жисмоний зўравонликка учраганини айтган. Шунингдек, қиз эридан кетмоқчи бўлганини билдирган.

 

Дугонасининг сўзларига кўра, Мадина сўнгги жанжал ҳақида ҳам унга ёзган. Можаро эри саккиз ойлик фарзанди учун олиб келган “Барни” бисквитини Мадина еб қўйгани сабабли юзага келган. Дугонасининг таъкидлашича, шундан кейин эркак уни урган.

 

Эртаси куни Мадина буюмларини йиғиб қўйганини кўрсатиб, дугонасига сурат юборган ва уйдан кетмоқчи эканини айтган. 

 

Шунингдек, йўл харажатлари учун 15 минг тенге сўраган. Бироқ дугонаси ўша пайтда пул топа олмаган. Шундан кейин Мадина билан алоқа узилган. Кейинчалик унинг қайнонаси дугонасига Мадинанинг вафот этганини маълум қилган.

 

Мадина Ўзбекистон фуқароси, унинг эри эса Қозоғистон фуқароси бўлган. Улар қарийб икки йил аввал турмуш қурган, саккиз ойлик фарзанди бўлган. Дугонасининг сўзларига кўра, Мадина ҳомиладор бўлиши ҳам мумкин эди.

 

Марҳуманинг дугонаси Мадинанинг ўлими билан боғлиқ ҳолатлар юзасидан шубҳалар билдирган. У қизнинг танасида жароҳатлар бўлганини айтиб, воқеани тўлиқ текширишга чақирган. Бироқ бу маълумотлар ҳозирча расман тасдиқланмаган.

 

Полиция тергов якунига қадар ўлим сабаби ёки муайян шахсларнинг айбдорлиги ҳақида хулоса бермаган. Марҳуманинг яқинлари эса унинг ўлими билан боғлиқ барча ҳолатлар тўлиқ ва холис аниқланишини талаб қилмоқда.

Иорданияда черковга қилинган ҳужум: уч нафар эркак ўлим жазосига ҳукм қилинди

Иорданияда черковга қилинган ҳужум: уч нафар эркак ўлим жазосига ҳукм қилинди

Ҳужум 23 октябрь куни юнон православ черковида дафн маросими вақтида содир бўлганди.

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Тибет чегара полицияси таркибидаги махсус бўлинмалар яқин масофадаги жанглар, тоғли ҳудудларда ҳаракатланиш ва дронлардан фойдаланиш бўйича тайёргарликдан ўтказилмоқда.

Meta қарийб 900 млн доллар жаримага тортилди: компания фойдаланувчиларнинг шахсий фото ва видеоларига розиликсиз кирган

Meta қарийб 900 млн доллар жаримага тортилди: компания фойдаланувчиларнинг шахсий фото ва видеоларига розиликсиз кирган

Meta қарор устидан шикоят қилишини билдирди.

Жанубий Кореяда ўзбекистонлик талаба қамалди: у террорчилик гуруҳини молиялаштиришда айбланди

Жанубий Кореяда ўзбекистонлик талаба қамалди: у террорчилик гуруҳини молиялаштиришда айбланди

У Суриядаги террорчилик ташкилоти аъзосига олти марта пул ўтказган.

Руандада депортация маркази: Германия ва яна тўрт давлат келишувга тайёрланмоқда

Руандада депортация маркази: Германия ва яна тўрт давлат келишувга тайёрланмоқда

Ташаббус инсон ҳуқуқлари ташкилотларининг танқидига сабаб бўлмоқда.

Россия нефть экспортига зарба: Украина Самара вилоятидаги станцияни нишонга олди

Россия нефть экспортига зарба: Украина Самара вилоятидаги станцияни нишонга олди

Украина ҳарбийлари ушбу объектни Россиянинг урушни молиялаштираётган нефть саноати учун муҳим инфратузилма деб атаган.

Украина жанг майдонида роботлардан фойдаланмоқда: улар ҳужум ва эвакуацияга жалб этилмоқда

Украина жанг майдонида роботлардан фойдаланмоқда: улар ҳужум ва эвакуацияга жалб этилмоқда

Бундай қурилмалар нафақат ҳарбий юкларни ташиш ва эвакуация, балки гранатомёт ҳамда танкка қарши қуроллар ёрдамида ҳужум операцияларига ҳам жалб этилмоқда.

Теlegram'даги заифликлар бўйича баҳс: Дуров хакерларни ўз аккаунтини бузишга чақирди

Теlegram'даги заифликлар бўйича баҳс: Дуров хакерларни ўз аккаунтини бузишга чақирди

У шунчаки хабар олиш орқали профилни эгаллаб олиш мумкинлиги ҳақидаги даъволарни рад этди.