Тошкентда перфоратор ва бензопила ичига яширилган наркотиклар аниқланди
Наркотиклар Россиядан почта орқали юборилгани аниқланган.
Тошкент шаҳрининг Чилонзор туманида ўтказилган тезкор тадбир давомида қурилиш асбоблари ичига яширилган «Альфа-ПВП» синтетик наркотик моддаси аниқланди. Бу ҳақда ДХХ хабар берди.
Ўтказилган тезкор тадбирда Юнусобод туманида яшовчи, 1992 йилда туғилган шахс тўхтатилиб, текширилган.
Текширувда унга тегишли перфоратор ичига 478 грамм «“Alfa-PVP» яширилгани аниқланган.
Шунингдек, шу туманда қайд этилган бошқа ҳолатда Мирзо Улуғбек туманида яшовчи, 2009 йилда туғилган шахсга тегишли ёғоч кесувчи асбоб — бензопила ичидан 107 грамм «“Alfa-PVP» моддаси топилган.
Терговга қадар текширувда ҳар икки ҳолатда ҳам гиёҳвандлик воситалари Россия Федерациясидан почта жўнатмаси орқали юборилгани аниқланган.
Мазкур ҳолатлар юзасидан жиноят ишлари қўзғатилиб, ҳозирда тергов ҳаракатлари олиб борилмоқда.
