15 ёшли қиз ичагидаги игна билан уч ҳафта яшади

 

Чеченистонда 15 ёшли қиз рўмолини маҳкамлаш учун ишлатиладиган игнани тасодифан ютиб юборган. У ўткир металл буюм билан 20 кун давомида яшаган. Бу ҳақда “Сапа Кавказ” хабар берди.

 

Қайд этилишича, қиз воқеадан сўнг дарҳол шифохонага мурожаат қилган. Икки кундан кейин ўтказилган рентген текширувида игна ичакда эканлиги аниқланган.

 

Шифокорлар дастлаб уни эндоскопик усулда олиб ташлашни режалаштирган. Бироқ игна етарлича чуқур жойлашгани сабабли уни бу усулда чиқаришнинг имкони бўлмаган. Мутахассислар беморнинг ҳолатини кузатиб борган.

 

20 кун ўтиб, игна жарроҳлик аралашувисиз, табиий йўл билан организмдан чиқиб кетган. Шифокор-нефролог Тамила Тситсиева бу ҳолатни жуда кам учрайдиган ва омадли якунланган ҳолат сифатида баҳолаган.

 

Мутахассислар рўмол ўрайдиган қизларни игналарни оғиз яқинида тутмасликка чақирган. Уларнинг таъкидлашича, битта эҳтиётсиз ҳаракатнинг ўзи ўткир игнани тасодифан ютиб юборишга олиб келиши мумкин. Бундай ҳолат эса ички аъзоларнинг шикастланиши, жиддий асоратлар ва жарроҳлик амалиётига эҳтиёж туғдириши эҳтимолини оширади.