Улуғбек Қодиров VII Халқаро Лендок фильм фестивалида “Энг яхши актёр” деб топилди
Актёр мукофотга “Казбек” фильмидаги бош роли учун сазовор бўлган.
Таниқли актёр Улуғбек Қодиров Санкт-Петербург шаҳрида ўтказилган VII Халқаро Лендок фильм фестивалида “Энг яхши актёр” номинацияси ғолиби бўлди. Бу ҳақда Кинематография агентлиги ахборот хизмати хабар берди.
Қодиров мазкур мукофотга режиссёр Акбар Бектурдиевнинг “Казбек” фильмидаги бош роли учун сазовор бўлган. Кинокартинада ўзбек ўғлони Мамадали Топволдиевнинг мардонавор жасорати, кўрсатган қаҳрамонликлари ҳақида ҳикоя қилинган.
Кинематография агентлиги Улуғбек Қодиров ва фильм режиссёри Акбар Бектурдиевни ушбу мукофот билан табриклаб, ижодий муваффақиятлар тилади.
