Россияликлар Ўзбекистонга оммавий равишда чипта сотиб олишни бошлади
Ўзбекистон кузги мавсумда россиялик сайёҳлар орасида авиачипта харидлари энг кўп ошган хорижий йўналишга айланди.
Россиялик сайёҳларнинг 2026 йил кузида Ўзбекистонга бўлган қизиқиши ошган. Мамлакат кузги мавсумда авиачипта харидлари ўсиши бўйича етакчи бўлган. Бу ҳақда Лента.ру хабар берди.
«Туту» саёҳат сервиси маълумотларига кўра, кузда Ўзбекистонга сотилган авиачипталар улуши 5,2 фоиз бандга ошган. Бу кўрсаткич бўйича Туркия иккинчи ўринни эгаллаган. Кейинги ўринлардан Озарбайжон, Арманистон ва Грузия жой олган.
Айни пайтда Беларус ва Қозоғистонга авиачипта харидлари улуши камайган.
Меҳмонхоналарни брон қилиш бўйича эса энг катта ўсиш Хитойда қайд этилган — 4,2 фоиз банд. Ўзбекистон 3,2 фоиз бандлик ўсиш билан иккинчи ўринда қайд этилган.
Шунга қарамай, меҳмонхоналарни брон қилиш сони бўйича Беларус, Абхазия ва Туркия 2025 йилдагидек етакчилик қилмоқда.
Аввалроқ Россия фуқароларига кузда хорижда дам олиш харажатлари маълум қилинган эди. Унга кўра, чет элдаги кузги таътил бир киши учун камида 100 минг рублга тушади.
