Чорвоқ сув омборида чўкиб кетган фуқаролардан бирининг жасади топилди
Қолган икки фуқарони қидириш ишлари давом эттирилмоқда.
2 сентябрь куни Тошкент вилояти Бўстонлиқ туманидаги «Бурчмулла» МФЙ ҳудудида жойлашган Чорвоқ сув омборида 3 нафар фуқаро — ота ва унинг икки ўғли сувга тушиш тақиқланган ҳудудда ҳимоя нимчаларисиз сувга тушиб, чўкиб кетган.
Хабар келиб тушиши билан Фавқулодда вазиятлар вазирлиги ғаввос-қутқарувчилари томонидан қидирув ишлари бошланган.
Ҳодиса жойида қидирув ишларини мувофиқлаштириш мақсадида штаб ташкил этилиб, қўшимча куч сифатида Жиззах ва Сирдарё вилоятлари Фавқулодда вазиятлар бошқармаларининг қутқарувчилари ҳам жалб этилган.
Қидирув жараёнида зарур махсус техника ва замонавий асбоб-ускуналардан фойдаланилмоқда.
Олиб борилган қидирув ишлари натижасида 9 сентябрь куни соат 13:02 да чўкиб кетган фуқаролардан бирининг жасади топилди.
Ҳозирда қолган икки фуқарони қидириш ишлари давом эттирилмоқда.
