Ҳормуз бўғозини очиш учун 7 та шарт: Эрон АҚШдан жавоб кутмоқда
Ушбу шартлар Эроннинг юқори мартабали вакиллари томонидан маъқулланган.
Эрон Ҳормуз бўғозини очиш масаласида АҚШга етти шартни тақдим этди. Теҳрон мазкур талаблар бажарилмагунча бўғоз ёпиқ қолишини билдирган. Бу ҳақда Tasnim агентлигига таяниб, Media.az хабар берди.
Манбага кўра, Эрон воситачилар орқали АҚШ томонига Ҳормуз бўғозини очиш учун етти шартни етказган. Ушбу шартлар Эроннинг юқори мартабали вакиллари томонидан маъқулланган.
«Ушбу етти шарт бажарилмагунча, Ҳормуз бўғози ёпиқ қолади. Шу сабабли Эрон ва Уммон ўртасидаги келишув бўғознинг очилишини англатмайди», — деган манба.
Унинг таъкидлашича, Ҳормуз бўғозининг очилиши тўлиқ Вашингтоннинг кейинги ҳаракатларига боғлиқ.
