Туркманистондан кейин Ўзбекистон: Ўзбекистон МДҲга раислик қилади
Бу ҳақдаги қарор МДҲ Раҳбарлар кенгашининг йиғилишида қабул қилинди.
Ўзбекистон 2027 йил 1 январдан бошлаб Мустақил Давлатлар Ҳамдўстлиги (МДҲ) органларига раислик қилади. Бу ҳақдаги қарор МДҲ Раҳбарлар кенгашининг йиғилишида қабул қилинди. Бу ҳақда Туркманистон президенти Сердар Бердимуҳамедов маълум қилди.
Бердимуҳаммедовнинг айтишича, давлат раҳбарларининг тор доирадаги учрашувида МДҲга раисликни келаси йил бошидан Ўзбекистонга топшириш тўғрисида қарор қабул қилинган.
Ҳозирда МДҲ органларига Туркманистон раислик қилмоқда. МДҲ давлат раҳбарларининг саммити Туркманистоннинг Туркманбоши шаҳридаги Аваза миллий сайёҳлик зонасида бўлиб ўтмоқда. Унда Россия президенти Владимир Путин ҳамда Эрон президенти Масуд Пезешкиан иштирок этмоқда. Пезешкиан саммитда илк бор қатнашмоқда.
Россия президенти Владимир Путин ҳам Ўзбекистон келаси йилдан МДҲга раислик қилишини тасдиқлади. У Шавкат Мирзиёевга ушбу вазифада муваффақият тилаб, Россия томони Ўзбекистонга зарур ёрдам кўрсатишга тайёр эканини билдирди.
