Коммунал хўжалиги ходимлари учун: Ўзбекистонда янги фахрий унвон таъсис этилди
Уй-жой коммунал хўжалиги соҳасини ривожлантиришга ҳисса қўшган ва аҳолига хизмат кўрсатишни яхшилашда алоҳида хизмат кўрсатган ходимлар тақдирланади.
Ўзбекистонда уй-жой коммунал хўжалиги соҳасида фаолият юритаётган ходимлар учун «Ўзбекистон Республикасида хизмат кўрсатган коммунал хўжалиги ходими» фахрий унвони таъсис этилди.
Қонунга кўра, фахрий унвон уй-жой коммунал хўжалиги соҳасини ривожлантиришга муносиб ҳисса қўшган, юқори касбий маҳоратини намоён этган ҳамда аҳолига хизмат кўрсатиш сифатини яхшилашда алоҳида хизмат кўрсатган бирлашмалар, ташкилотлар ва муассасалар ходимларига берилади.
Қонун расмий эълон қилинган кундан эътиборан кучга киради.
Коммунал хўжалиги соҳаси ходимларини алоҳида рағбатлантирувчи давлат мукофоти таъсис этиш кўзда тутилган қонун лойиҳаси депутатлар томонидан 1 июль куни қабул қилинганди.
