Таиланддаги сув тошқини автомобиль саноатига таъсир қилди: Toyota ва Honda заводларини ёпди
Сув тошқини эҳтиёт қисмлар етказиб бериш занжирида узилишларга сабаб бўлган.
Япониянинг Toyota ва Honda автомобиль ишлаб чиқарувчилари Таиланддаги заводларида ишлаб чиқаришни мамлакатдаги кенг кўламли сув тошқини сабаб вақтинча тўхтатди.
Honda 2–6 октябрь кунлари Прачинбури ва Аюттҳаядаги корхоналарида иш фаолиятини тўхтатди. Toyota эса Samut Prakan ва Чачоэнгсаудаги учта йиғув цехи, шунингдек, Toyota Auto Works компаниясига қарашли корхона фаолиятини тўхтатди.
Бунга Чонбури ва Раёнг провинцияларидаги сув тошқини сабаб эҳтиёт қисмлар етказиб берувчилар зарур бутловчи қисмларни етказиб бера олмагани сабаб бўлган. Компаниялар ишлаб чиқаришдаги танаффус вақтинчалик эканини, эҳтиёт қисмларни етказиб беришнинг муқобил йўллари топилгач, фаолият қайта тикланишини билдирган.
Таиланд саноат федерацияси маълумотларига кўра, таъминот занжиридаги узилишлар натижасида кўрилган зарар тахминан 1,018 миллиард батни (қарийб 30 миллион доллар) ташкил этган.
Сув тошқинлари 2,6 миллиондан ортиқ аҳолига таъсир кўрсатган, 40 киши ҳалок бўлган.
