Уйда ёлғиз қизалоқ: Японияда ўзбекистонлик курьер 10 ёшли қизга шилқимлик қилди
Қиз воқеадан сўнг полицияга мурожаат қилган ва эркак ҳибсга олинган.
Япониянинг Токио шаҳрида 45 ёшли Ўзбекистон фуқароси мактаб ўқувчисига нисбатан номақбул ҳаракат қилганликда гумонланиб ҳибсга олинди. Бу ҳақда Токио полицияси маълумотларига таяниб, Nippon.com хабар берди.
Маълум қилинишича, воқеа 5 июль куни соат 17:00 атрофида Токионинг Сэтагая туманида содир бўлган. Овқат етказиб берувчи бўлиб ишлаган Ўзбекистон фуқароси буюртмани етказиш учун хонадонлардан бирига борган.
Полиция маълумотларига кўра, 10 ёшли қиз ота-онаси буюртма қилган овқатни қабул қилиш учун эшикни очган. Қизча уйда ёлғиз бўлган. Эркак қизчани қучоқлаб, ўпганликда гумон қилинмоқда.
Ҳодисадан сўнг у полицияга қўнғироқ қилган.
Полиция гумондор ўз айбини тан олганини маълум қилган. Эркак ўзини тия олмаганини билдирган.
Ҳозирда ҳолат юзасидан тергов ҳаракатлари олиб борилмоқда.
