Ўртоқлик учрашуви: Ўзбекистон сафарда Жанубий Кореяга ютқазди
Ўзбекистон терма жамоаси ҳисобни қисқартиришга муваффақ бўлмади.
Ўзбекистон миллий терма жамоаси ФИФА кунлари доирасидаги ўртоқлик учрашувида Жанубий Кореяга қарши майдонга тушди.
Бугун, 6 октябрь куни Тошкент вақти билан соат 16:00 да бошланган баҳс Жанубий Кореянинг 2:0 ҳисобидаги ғалабаси билан якунланди.
Учрашувдаги ҳисоб 6-дақиқадаёқ очилди. Жанубий Корея сардори Сон Ҳён Мин жарима зарбасидан Ўзбекистон дарвозасини ишғол қилди. Иккинчи бўлимда эса О Се Хун 60-дақиқада фарқни иккитага етказди.
Қолган дақиқаларда Ўзбекистон терма жамоаси ҳисобни қисқартиришга муваффақ бўлмади. Натижада баҳс мезбонларнинг 2:0 ҳисобидаги ғалабаси билан якунланди.
