“Реал Санжик” иши: жазо ўзгаришсиз қолдирилди
Судда апелляция шикоятлари қисман қаноатлантирилди.
Бугун Тошкент шаҳар судининг жиноят ишлари бўйича судлов ҳайъати апелляция инстанциясида «Реал Санжик» номи билан танилган тадбиркор Санжар Каримовга ҳукм ўқилди.
Судлов ҳайъати ажрими билан жиноят ишлари бўйича Мирзо Улуғбек туман судининг С. Каримовни Жиноят кодекси 168-моддаси (фирибгарлик) ва 273-моддаси 2-қисми (гиёҳвандлик воситаларини ўтказиш мақсадида сақлаш) билан тайинланган 5 йил муддатга озодликдан маҳрум этиш ҳамда БҲМнинг 400 баравари миқдоридаги жарима жазолари аслича қолдирилди.
Шу билан бирга, судланувчи айбдор деб топилган Жиноят кодекси 112-моддасининг 1-қисми (ўлдириш ёки зўрлик ишлатиш билан қўрқитиш) Жиноят-процессуал кодекси 84-моддаси 1-қисмининг 5-бандига асосан, айблилик тўғрисида масалани ҳал қилмасдан тугатилди.
