Франциядаги норозиликлар Бельгиягa ҳам тарқалди: 200 дан ортиқ киши ҳибсга олинди
Намойишчилар таълим соҳасидаги ислоҳотлар ва ўқиш тўловларининг оширилишига қарши чиқмоқда.
Бельгияда талабалар норозиликлари фонида Льеж ва Брюсселда тартибсизликлар қайд этилди. Расмийлар Льежда 16 октябргача уч кишидан ортиқ одамнинг жамоат жойларида тўпланишини тақиқлаган.
Нашр маълумотларига кўра, тартибсизликлар Бельгиянинг Льеж шаҳрида бошланган. Маҳаллий ОАВ шу ойда талабалар норозиликлари билан боғлиқ равишда 200 дан ортиқ киши ҳибсга олинганини маълум қилган.
Намойишлар Брюсселга ҳам тарқалган. Қайд этилишича, протест иштирокчилари таълим соҳасидаги ислоҳотлар ва ўқиш тўловларининг оширилишига қарши чиқмоқда.
Шунингдек, Льеж шаҳрида ҳокимият 16 октябргача уч кишидан ортиқ одамнинг жамоат жойларида йиғилишини тақиқлаган.
Аввалроқ Франция бўйлаб давом этаётган ўқувчилар норозиликлари сабабли 375 та лицейда таълим жараёни тўлиқ ёки қисман издан чиққани хабар қилинганди.
Намойишлар бошланганидан буён 215 нафар ўқувчи, 700 дан ортиқ ҳуқуқ-тартибот ходими ва қарийб 100 нафар таълим соҳаси ходими жабрланган.
