Эрон АҚШ билан музокараларни давом эттирмоқчи — Пезешкиан
Эрон президентининг айтишича, томонлар таклифлар алмашган ва уларга тузатишлар киритмоқда.
Эрон АҚШ билан ҳужумларга қарамай, музокараларни давом эттириш ниятида. Теҳрон ва Вашингтон ўзаро таклифлар алмашган, ҳозирда уларга тузатишлар киритилмоқда. Бу ҳақда Эрон президенти Масуд Пезешкиан Россия президенти Владимир Путин билан учрашувда маълум қилди.
Пезешкианнинг айтишича, Эрон АҚШ билан мулоқот олиб бораётганига қарамай, ҳар сафар музокаралар ортидан ҳужумларга дуч келмоқда. Шунга қарамасдан, Теҳрон музокаралар столини тарк этмоқчи эмас.
Эрон президенти томонлар бир-бирининг таклифларини олгани ва уларга тегишли тузатишлар киритганини билдирди. Унинг сўзларига кўра, таклифлар якунлангач, томонлар воситачилар орқали музокаралар натижаларини умумлаштиради.
