MrBeast ташрифи дастуридаги ҳеч бир банд бекор қилинмаган — Маданият ва санъатни ривожлантириш жамғармаси
Tасвирга олиш гуруҳининг қолган аъзолари эса мамлакатнинг бошқа шаҳарларида суратга олиш ишларини давом эттирмоқда.
Ўзбекистон Маданият ва санъатни ривожлантириш жамғармаси MrBeast’нинг Ўзбекистонга ташрифи юзасидан расмий баёнот берди.
Жамғарма маълум қилишича, Жимми Дональдсон (MrBeast) ташрифи дастлабдан Тошкент ва Самарқанд шаҳарларини қамраб олиши режалаштирилган. Дастур MrBeast жамоаси билан олдиндан келишилган ва тасдиқланган жадвал асосида амалга оширилган.
Баёнотда таъкидланишича, дастурдаги ҳеч бир банд бекор қилинмаган ва MrBeast’нинг Ўзбекистондан жўнаб кетиш санаси аввалдан белгиланган.
Шунингдек, тасвирга олиш гуруҳининг қолган аъзолари режа бўйича мамлакатнинг бошқа шаҳарларида суратга олиш ишларини давом эттирмоқда.
Жамғарма Тошкент ва Самарқанд аҳолиси ҳамда меҳмонларига MrBeast ва унинг жамоасини илиқ кутиб олгани учун миннатдорлик билдирган.
Ташрифга оид аниқ маълумотлар Жамғарманинг расмий каналларида эълон қилиб борилмоқда.
