2032 йилги Олимпия ўйинлари яшил қитъада ўтказилади
Халқаро олимпия қўмитаси 2032 йилги ёзги Олимпия ўйинлари Австралиянинг Брисбен шаҳрида бўлиб ўтишини расман эълон қилди.
ХОҚ Токиода бўлиб ўтган сессияда 2032 йилги ўйинлар Австралияда ўтказилиши тўғрисида қарор қабул қилди.
Сессияда жами 80 иштирокчи қатнашди, улардан 72 нафари Австралия номзодини қўллаб-қувватлади, 5 киши қарши чиқди ва уч киши бетараф қолди.
Брисбенда Паралимпия ўйинлари ҳам бўлиб ўтади.
Австралия ўз тарихида икки марта - Мелбурн (1956) ва Сиднейда (2000) Олимпия ўйинларини ўтказган.
Насиба Тўхтаева
