Абрамович урушдан олдин бойлигининг катта қисмини фарзандларига ўтказиб берган
Олигарх ЕИ, Канада ва Буюк Британия санкциялари остида қолмоқда.
Россиялик олигарх Роман Абрамович Украина урушидан сал олдин ўзининг 10 та махфий офшорларини 7 нафар фарзанди номига ўтказиб берган. Бу унинг санкциялар остига тушишидан олдин, 2022 йил февралининг дастлабки кунларида амалга оширилган.
Урушга 3 ҳафта қолганда миллиардернинг 4 миллиард доллар бойлиги расмий эгалари ўзгарган. Бизнесменнинг барча фарзандлари Россия фуқаролари ҳисобланади, уларнинг энг кичиги 9 ёшда.
Бойликларнинг расмий эгаси ўзгаргани Абрамович активларининг катта қисми мусодара қилинишининг олдини олиши мумкин.
10 та фонддан ташқари олигархнинг фарзандлари яхта, вертолёт ва самолётларга ҳам эгалик қилиши мумкин.
Роман Абрамовичга нисбатан Евроиттифоқ, Буюк Британия ва Канада санкция жорий этган. Унинг ўзи Кремль билан алоқаларини рад этиб келади.
