Афғонистон фуқаролар урушидан олдин қандай эди?
Ҳозирги кунда аёвсиз урушлар гирдобида қолган Афғонистонни бир пайтлар дунёнинг энг тинч мамлакатларидан бири бўлганлигига ҳеч ким ишонмаса керак.
40 йилдан ортиқ давом этаётган фуқаролар уруши Афғонистонни халқаро терроризмнинг асосий базаларидан бирига айлантирди, мамлакат дунёга гиёҳванд моддаларнинг катта қисмини етказиб берувчига айланди.
Лекин Афғонистон ўтган асрнинг 50-60-йилларида дунёнинг энг тинч давлатларидан бўлган. Ўша пайтда Афғонистонни шоҳ Муҳаммад Зоҳир Шоҳ бошқарар, у дунёнинг барча етакчи давлатлари билан яхши муносабат ўрнатган эди. Натижада Афғонистонда аста-секинлик модернизация амалга оширила бошланди. Zamon.uz Афғонистoн энг фаровон ва тинч йилларида олинган фотосуратларни тақдим этади.
Афғонистон Молия вазирлиги замонавий биноси, 1966 йил
Бағлон вилоятида жойлашган Каркар комир конига кириш.Афғонистонда бир пайтлар саноат ишлаб чиқариши ҳам йўлга қўйилган эди. Каркар кони бутун Кобулни кўмир билан таъминлаган
Кобул бозоридаги дўконлардан бири
Афғонистонга АҚШ президенти Дуайт Эйзенхауэрнинг ташрифи. 1959 йил, 9 декабрь. Эйзенхауэрни кутиб олиш учун Кобул аҳолиси кўчага чиққанди
Кобул университети тиббиёт факультети талабалари профессор (ўнг томондан)ни тинглашмоқда. Фуқаролар уруши айниқса Афғонистонда хотин-қизлар ҳуқуқи соҳасининг чуқур инқирозига сабаб бўлди, 1962 йил
Кобулнинг марказий кўчаларидан бири
Афғон эркаклари чой устида, 60 йиллар
Кобул-Ҳирот шоссеси. Ушбу йўл Кобулни Эроннинг Машҳад шаҳри билан боғлаган. Ҳозирда тўла вайрона ҳолатига келган
Муҳаммад зоҳиршоҳ ўз лимузинида Кобул марказий кўчасида кетмоқда. Зоҳиршоҳ 1973-йилги тўнтариш натижасида тахтдан воз кечади ва 2002-йилгача Римда яшайди. фақатгина 2002-йил Кобулга қайтиб келади ва шу ерда 2007-йил вафот этади
Афғон олимлари иш устида. Кобул вакцина ишлаб чиқариш тадқиқот маркази, 60-йиллар
Афғонистон ҳарбийлари парадда
Фуқаролар уруши Афғонистоннинг қиёфасини, унинг халқаро имиджини ўзгартириб юборди. Бир пайтлар гуллаб-яшнаган давлат харобаларга тўлиб кетди. Ана шу қонли урушни тўхтатиш, Афғонистонни яна тинч, ривожланиш йўлига қайтариш ҳанузгача замонамизнинг муҳим муаммоларидан бири бўлиб келмоқда.
