Тагма туманида иккита электр устунининг портлаши Афғонистон пойтахти ва бир қанча вилоятлага электр энергиясини етказиб беришни тўхтатди. Бу ҳақда Афғонистон миллий электр компанияси хабар қилди.
“Кеча тунда энергияни импорт қиладиган иккита электр узатиш минораси вайрон бўлди. Ушбу ҳодиса натижасида Кобул ва яна 10 та вилоятда электр таъминоти узилиб қолди”, — дейилади компаниянинг расмий хабарида.
Қайд этилишича, техник гуруҳлар воқеа жойига бориб, зарарни имкон қадар тезроқ бартараф этиш учун барча ишларни амалга оширмоқда. Мамлакатда фаолият юритаётган қуролли гуруҳларнинг ҳеч бири содир бўлган воқеа учун жавобгарликни ўз зиммасига олмади.
Маълумот учун: Афғонистон электр энергиясини Тожикистон, Ўзбекистон ва Туркманистондан импорт қилади.