Афсонавий бастакор Султонали Раҳматов вафот этди

“Ўзбекистон” “Менинг Ўзбекистоним” “Ассалом Ўзбекистон” каби куйлари нафақат телевидение орқали, балки расмий тантаналар, байрам саҳналари ва халқ орасида ҳам тинмай янграб келган буюк бастакор Султонали Раҳматов бугун оғир касалликдан сўнг вафот этди.

 

Султонали Раҳматов — Ўзбекистоннинг забардаст бастакори, созандаси ва саҳна одамидир. У Тошкентда туғилиб, ёшлигидан мусиқага ошно бўлган. Тошкент консерваториясини тамомлаб, санъатга бутун умрини бағишлади.

 

У 2006 йилда Нью- Йорк Қироллик Академияси томонидан халқаро композитор сифатида тан олинган. 2010 йилда унга “Ўзбекистонда хизмат кўрсатган маданият ходими” унвони берилган.

 

Раҳматов 1000 дан ортиқ асарлар муаллифи. У раҳбарлик қилган ансамбллар ва жонли концертлари — айниқса Самарқанд Регистонидаги саҳна чиқиши — хорижликлар учун Ўзбекистоннинг ташриф қоғози бўлган.

 

Бир муддат аввал zamon.uz оғир аҳволда ётган бастакорнинг яқинлари билан боғланган эди.

 

Таҳририятимиз номидан марҳумнинг яқинларига ҳамдардлик билдирамиз.