Агар шифокор бемор талабини асоссиз рад этса маъмурий жавобгарликка тортилади

 

Ҳаёти ёки соғлиғи учун хавфли ҳолатда бўлган шахсга тиббиёт ташкилотларида қонунга ёки махсус қоидаларга мувофиқ шошилинч ва (ёки) кечиктириб бўлмайдиган тиббий ёрдам кўрсатиши керак бўлган шахс томонидан шундай ёрдам кўрсатишни асоссиз равишда рад этиш —фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса — беш бараваридан ўн бараваригача миқдорда жарима солишга сабаб бўлади.

Маъмурий жавобгарлик тўғрисидаги кодекс. 59-1-модда.

 

Мазкур моддага биноан, ҳеч қайси шифокор ёки тиббиёт вакили асоссиз беморнинг талабини рад эта олмайди. Агар шундай ҳолат юз берса унда БҲМнинг 3 баробаридан 5 баробаригача жарима тўлайди. Бу 810 минг сўмдан 1 млн. 350 минг сўмгача миқдордаги сумма ҳисобланади.

 

Агар мазкур тартиб мансабдорлар томонидан бузилган бўлса, унда улар БҲМнинг 5 баробаридан 10 баробаригача, яъни 1 млн. 350 минг сўмдан 2 млн. 700 минггача миқдордаги жаримага тортилади.

 

“Мазкур ҳуқуқбузарлик маъмурий жазо қўлланилганидан кейин ҳам 1 йил давомида яна такроран содир этилган бўлса, базавий ҳисоблаш миқдорининг 5 бараваридан 10 бараваригача, агар бу шахс мансабдор шахс бўлса, унга нисбатан 10 бараваридан 15 бараваригача миқдорда жарима солишга сабаб бўлади”, — дейди амалиётчи юрист Саидали Мухторалиев. 

 

Аввалроқ агар ижарага олувчи вафот этса, унинг яқинлари марҳумнинг қарзига “меросхўр” бўлмаслиги ҳамда ҳоким мактаб директорини ишдан бўшатишга ҳаққи йўқлиги ҳақида хабар берилганди.

 

Оламгир Абдиев