"Ал-Ҳилол" Неймар билан шартномани бекор қилиши мумкин
Клуб бошқа футболчиларни рўйхатдан ўтказмоқчи.
Саудиянинг "Ал-Ҳилол" клуби бразилиялик ҳужумчи Неймар билан шартномани бекор қилиши мумкин.
Хабарларга кўра, жамоа раҳбарияти футболчи билан шартномани тўхтатиб қўйиш имкониятини кўриб чиқмоқда. Мақсад қишки трансфер ойнасида хорижлик футболчиларни рўйхатдан ўтказиш учун жой очиш.
Эслатиб ўтамиз, Неймар ЖЧ-2026 саралашида Уругвай билан ўйинда (0:2) жароҳат олган эди. 31 ёшли футболчининг тикланиши кутилаётган вақт 10 ойгача бўлиши мумкин. Шу тариқа Неймарнинг жорий мавсумда бошқа майдонга тушмаслиги эҳтимоли юқори.
