Bloomberg маълумотларига кўра, россиялик бизнесмен, USM холдинг асосчиси Алишер Усмонов миллиардерлар индексида дунёнинг энг бой 500 кишиси рейтингида пасайишда давом этмоқда.
Миллиардерлар индексининг 2023 йил июнь ойи бошидаги рейтингида Усмонов 91-ўринни эгаллаган бўлса, 3 июль ҳолатига кўра, Bloomberg унинг бойлигини 18,3 миллиард доллар (93-ўрин) деб баҳолади.
Маълумот учун, Алишер Усмонов USM холдингнинг 49 фоиз улушига эгалик қилади. Шунингдек, Усмонов 2015 йилдан бери «Коммерсант» нашриётига қарашли «Коммерсант ҳолдинг» МЧЖнинг ҳам ягона эгаси ҳисобланади.