Андижонда 4 киши ис газидан заҳарланиб вафот этди
Яна 4 киши шифохонада экани айтилмоқда.
Жорий йил 21 октябрь куни Андижон вилояти Жалақудуқ тумани марказида яшовчи оилада газдан заҳарланиш содир бўлди.
Ҳолат ҳақида 2 хил маълумот бор. Биринчиси уйга келган меҳмонлар билмасдан ошхонадаги метан газ баллонини очиқ қолдирган. Натижада тунги вақтда уйга газ тўлган ва фожиа содир бўлган. Иккинчи вариантда хонадондаги узоқ вақт ишламай турган газ трубаларига тунги вақтда табиий газ келган. Натижада хонадонда яшовчи эркак, унинг ўғли ҳамда икки нафар меҳмон (аёллар) газдан заҳарланиб вафот этган. Хонадонда бўлган яна 4 киши касалхонага тушган. Ҳозирда уларнинг соғлиги яхши.
Манбаларга кўра, Жалақудуқдаги фожиада вафот этган хонадон эгаси тумандаги қишлоқлардан бирида имом хатиб бўлган.
