Қирғизистонда президентлик сайлови: Садир Жапаров номзодини илгари сурди
Навбатдаги президентлик сайлови 2027 йил 27 январга белгиланган.
Қирғизистоннинг амалдаги президенти Садир Жапаров 2027 йил 27 январга белгиланган президентлик сайловида номзодини илгари сурди. У 10 ноябрь куни мамлакат Марказий сайлов ва референдумлар комиссиясига тегишли баёнот топширган.
Бу ҳақда Марказий сайлов комиссияси вакили ТАСС агентлигига маълум қилган.
МСК маълумотига кўра, Жапаров президентликка номзодини ўзи илгари сурган. У сайловда иштирок этиш учун комиссияга ариза топширган олтинчи номзод бўлди.
Аввалроқ президентлик сайловида қатнашиш учун Россия-Қирғизистон тараққиёт жамғармасининг собиқ бошқарув аъзоси Аймен Касенов, Чуй вилоятидаги туманлардан бирининг собиқ раҳбари Азамат Эсенбеков, Қирғизистон молия полициясининг собиқ раҳбари Сйимйк Жапикеев, тадбиркор Акай Қидиров ва қирғиз коммунистлари етакчиси Ишоқ Масалиев номзодини илгари суриш бўйича ариза топширган.
Қирғизистонда президентлик сайлови 2027 йил 27 январда бўлиб ўтиши белгиланган. Номзодларни кўрсатиш учун аризаларни қабул қилиш муддати 12 ноябрда якунланиши, номзодларни рўйхатга олиш эса шундан кейин бошланиши маълум қилинган.
Эслатиб ўтамиз, Садир Жапаров 2021 йил 28 январдан буён Қирғизистон президенти лавозимида ишлаб келмоқда.
