Андижонда фарғоналик ҳайдовчи автоҳалокатга учради
Ҳодиса оқибатида “Жигули” иккига бўлиниб кетган.
29 январь куни Асака туманининг “Чек” маҳалласидаги Фарғона кўчасида “ВАЗ-2101” автомашина ҳайдовчиси бошқарувни йўқотиб, йўл четидаги симёғочга урилиши оқибатида ЙТҲ содир бўлган.
Автоҳалокат оқибатида автомашинанинг 33 ёшли ҳайдовчиси оғир тан жароҳати олиб, ҳушсиз ҳолда шифохонага олиб борилган.
Ҳозирда Асака тумани ИИБ томонидан суриштирув ишлари олиб борилмоқда.
Аввалроқ Андижонда ЗИЛ юк машинасини тормози ишламай қолиб, ЙТҲга учрагани ҳақида хабар берилганди.
